Ankohet Vuçiq: Me Thaçin, Mustafën, Hotin e Haradinajn merreshim vesh për diçka, me Kurtin për asgjë!

22:42 | 19 Korrik 2021
Përparim Bublaku

Presidenti i Serbisë Aleksandar Vuçiq ka përmendur ish-liderët kosovarë, Hashim Thaçin, Isa Mustafën, Avdullah Hotin e Ramush Haradinajn, ndërsa ka komentuar takimet që po zhvillon me kryeministrin aktual të Kosovës, Albin Kurtin.

Vuçiq për RTS, është shprehur se krahasuar me ish-përfaqësuesit e palës kosovare në negociata, me Kryeministrin Albin Kurti, e ka të pamundur të merret vesh për ndonjë gjë, përcjell klankosova.tv.

”Kam folur edhe me Hashim Thaçin, Isa Mustafën, Avdullah Hotin e Ramush Haradinajn, por këto asnjëherë nuk i kam dëgjuar. Gjithmonë kanë kërkuar njohjen nga Serbia, gjithmonë ka qenë vështirë, por të paktën për diçka jemi marrë vesh, si për atë se është ditë, është e hënë, e premte. Por tash nuk mund të merremi vesh as a është ditë e as cila ditë e javës është”, ka thënë Vuçiq.